|
一連四場的「林海峰是但求其大合唱」前晚在紅館開鑼，林海峰（Jan）不改一向鬼馬本色，不但將近期的「淫照」事件擺上，又重提自己被拍到在公眾地方小便一事，諷刺時弊之餘更指奧運的Dead Line將至。安哥時又郭富城上身、更玩盡陳奕迅、古巨基等歌手，令人捧腹。＜採訪、攝影＞丘紅 |
前晚捧場的除了阿Jan的家人、太太彭羚外，還有吳君如、陳可辛、古巨基、容祖兒、陳志雲等，單獨一人由8時45分開場表演到11時完畢，盡顯功架。期間他重提去年被拍到於公眾場所小便的新聞，更拿水樽放在重要部位作小便狀，「我睇到封面A話我當眾露械射尿，封面B陳太（陳方安生）擺埋一齊，就好似我當眾向陳太射尿，背後一定有人話係民建聯策劃。」
最大受害者係電腦維修員
提到「淫照」事件，更妙語如珠：「明眼人一睇就知唔係移花接木啦，唔係木，係樹枝；我承認源頭係我，睇番相真係小巫見大巫，我完全不入流。今年新年個個講完恭喜發財，第二句就係有冇相睇！餘興節目係一家大細圍埋睇相，睇到嘩嘩聲，興奮過賀年煙花。估唔到一部粉紅色電腦壞，搞到個個腦都壞埋，千年蟲遲，變千年淫蟲；我覺得最大受害者係電腦維修員，依家邊個仲夠膽去整？燒佢啦。演藝人協會話呢個係香港人悲哀、阿王話佢個舞台係香港人舞台、我話呢個係香港人手信，香港人終於有手信啦。有人是但影相，求其放落電腦，電腦壞就求其搵人整，有人偷相求其放上網，阿Sir就是但求其拉，搞到網民話：I rap the police、I rap the government。」這時全場歡呼拍手。「開記者會應該係一哥，我可以好大膽講句：我好天真好傻，I'm deeply sorry。」
宣布不會退出香港娛樂圈
作為家長，阿Jan不知如何教導小朋友，「小朋友很天真很傻，有樣學樣。」又作狀擘大髀，「點解email有咁多呢相？點解報紙話Edison哥哥六分鐘講十次Sorry？因為佢太靚仔！點解Twins會唱歌？因為佢做籌款節目，睇過相就捐一蚊畀災民！所以譚校長帶頭唱《朋友》，大家都係朋友，西裝友捐60、四眼哥哥100，奇拿1300蚊，我代表災民多謝大家，1300張相打救中國13億人。」跟演繹Edison的《香港地》，卻將歌詞全部改掉。他指女性很偉大，為男人甚麼也肯做，「女人有時真係好天真、好傻。男人有時想做但唔會講：用完膳，不如行房。」
「安哥」時，阿Jan除去外套玩盡眾歌手，又唱又跳掀起高潮，最後卻一臉嚴肅地說：「我係度宣布不會退出香港娛樂圈。」對「淫照」事件，他坦言費煞思量才想到以何角度去講，自己無資格用石頭掟人，但可以用樂觀的角度去看。由於反應甚佳，商台正物色地方加場。
留言列表
