close
09/02/2007
文： 音樂組
三個女人一個墟，古巨基、梁漢文及蘇永康三個男人走在一起，同樣雞啄唔斷，三人揚言要組「蚯蚓」，成為07最強組合，跟草蜢及軟硬正面對撼。
文： 音樂組
 |
基仔、康仔、梁漢文（Edmond）、側田、鄭中基、鄧麗欣及吳雨霏等金牌歌手，將於下月十七日攜手在會展舉行一場「醇」音樂會。日前基仔、Edmond及康仔為音樂會拍宣傳照，康仔忽發奇想：「樂壇有草蜢同軟硬，我又搞新意，整隊蚯蚓組合囉！夠晒特別，蚯蚓生命力好強，點整都唔死，同佢撼過！」基仔讚康仔夠創意，並笑說：「或者叫蘇文基，蘇民峰個細佬，出名嘛！」
拍攝時，三人似足小朋友，叫他們排排企，基仔即表示胸部被撞親，Edmond則投訴屁股被康仔「鹹豬手」，康仔聞言笑說：「係你企得太埋，撞到我敏感部位先。」
康仔Edmond恨遊古堡
基仔早前成為樂壇頒獎禮大贏家，獲酒商送上蘇格蘭豪華之旅，令康仔及Edmond羨慕不已，Edmond說：「我好鍾意遊古堡，有次去歐洲影唱片封套，女友都有一齊，佢仲幫我影好多靚相添！」康仔則坦言希望帶母親到蘇格蘭旅遊：「阿媽好鍾意旅行，簡直係旅遊家，阿爸在生時成日同佢周圍去，幾乎環遊全世界。」
|
全站熱搜
留言列表
