✿⊰⊹ 飄忽 ivy 之 "讓愛注入心" - 關心同珍惜身邊人⊹⊱✿

 

金牌大風近日人事變動掀起風雨，早於今年 2月約滿的古巨基將加盟英皇，金牌太子爺鄭中基被指獲父親鄭東漢捧做 CEO，開始處理公司事務的他嫌黃栢高過時，在父親面前狂篤 Paco，間接令他被燉冬菇。不過是非纏身的鄭中基前日卻率先發圍，斥古巨基不續約還借勢搞是非。
雙 基開火只是大戰序幕，高層變動卻令往後的金牌繼續大地震。上周五公司宣佈 Paco由董事總經理擢升為香港區主席，專責拓展電影發展，唱片和經理人事務會由陳輝虹接管，被明升暗降的 Paco難免冇癮，據知他與金牌尚有兩年合約，約滿後他會另起爐灶，拍檔雷頌德和側田將共同進退，方力申與梁漢文則會投靠鄭氏父子兵，餅女鄧麗欣、傅穎、 吳雨霏和楊愛瑾暫仍舉棋不定。

認跟基仔冇聯絡

放大圖片

鄭中基（左）和梁漢文昨晚錄影《美女廚房》，發炮狂轟古巨基。

金 牌是非四起，有指基仔因開天索價令續約談不攏，也有指他為撐 Paco才拒絕留低，昨日 Paco將疑團解開，他在電話中直認已跟基仔沒聯絡，有關基仔跳槽英皇，他說：「如果佢真係過檔，我會好失望。」 Paco昨日接受商台電話訪問，被問到有指基仔因撐他而不續約， Paco說：「唔好咁講，我都係金牌一分子，會努力爭取古巨基，其實由佢 6年前簽約時，同佢訂下嘅目標全部實現晒，我覺得我嘅能力係 100分。」
另外，鄭中基、梁漢文和方力申昨晚在將軍澳錄影《美女廚房》，三位金牌 男將中只得小方一人不評論基仔。鄭中基和梁炳提起基仔相當燥火，鄭中基先表示自己沒有在父親面前篤 Paco，又稱對被捲入是非感不開心，他說：「我本身個身乾嘅，俾佢扯到濕晒啦，我一而再再而三講過唔會做 CEO，講咗唔會做，第二日再做咪自己打自己嘴巴？」梁炳也暗寸基仔說：「咪等如啲人續約又話唔續約，咪面懵囉！藝人轉公司好正常，冇必要搞咁多是非。」
鄭中基強調與 Paco的關係「真係冇嘢」，梁炳更搶說：「有嘢都唔係佢同 Paco啦！我講嗰個佢唔係鄭東漢呀。」似乎意指基仔。

「嗰條友搞到亂」

放大圖片

小方將會投靠鄭氏父子，繼續留在金牌。

問 鄭中基會否覺得公司很亂？他說：「咪嗰條友搞到亂之嘛！我哋邊有亂過啫！」是否指基仔？鄭中基說：「唔可以咬定，但所有嘢都係由佢續約而起囉！」是否認為 基仔搞宣傳？他說：「唔知，呢啲嘢影響人哋就唔啱！」方力申昨出席鍾欣桐代言的服裝店開幕活動，提到基仔與公司的是非越鬧越大，問他站在那一方？他說： 「我做細，事情太複雜，唔知所有嘅事。」昨日大會通告以金牌大風一哥來形容小方，他笑謂是通告出錯，他擔當不起。
採訪、攝影：林妃、王連連、王崇穎

解碼：基仔屎橋辣着火頭

古巨基與鄭中基突然發生爭拗，很多人都莫名其妙，其實事緣基仔遲遲不肯續約金牌，暗地裏和其他公司傾合作，後來觸怒金牌大風要飛起他；與此同時，大老闆鄭東漢想捧兒子鄭中基做 CEO，刻意將原掌舵人黃栢高調離唱片和經理人部門。
基仔方面為免被人指他不續約忘本，借勢利用這件事向外解畫自己不續約是不值公司如此對待恩人黃栢高，但這招借人過橋卻辣㷫鄭中基和黃栢高，基仔行這招可謂下策。