走 在 玻 璃 上 面 , 望 住 下 面 無 底 深 谷 , 風 又 大 , 都 咪 話 唔 震 撼 !
Travel News
大 峽 谷 玻 璃 天 橋 28/3 揭 幕   4 千 呎 懸 崖 上 挑 戰 你 膽 量
 

千 呼 萬 喚 , 耗 資 6 千 萬 美 元 興 建 的 大 峽 谷 U 形 玻 璃 天 橋 , 經 過 3 年 時 間 , 開 張 日 期 一 拖 再 拖 , 終 於 鐵 定 於 28/3 正 式 開 放 。 為 了 隆 重 其 事 , 更 請 來 曾 經 登 陸 月 球 的 太 空 人 Buzz Aldrin 於 20/3 率 先 試 行 。

高 過 兩 幢 台 北 101 !
這 條 位 於 美 國 大 峽 谷 西 面 老 鷹 崖 的 大 天 橋 點 解 咁 巴 閉 ? 全 因 它 夠 高 , 橋 面 距 離 谷 底 足 足 有 4 千 呎 , 即 係 2 幢 台 北 101 都 唔 夠 佢 高 ! 加 上 , 玻 璃 橋 面 闊 3 米 , 長 1,200 米 , 伸 到 咁 出 , 站 在 上 面 鳥 瞰 科 羅 拉 多 河 , 都 咪 話 唔 腳 震 !



玻 璃 橋 足 足 用 了 3 年 時 間 才 告 完 成 。



橋 未 建 好 , 已 獲 美 國 知 名 科 技 雜 誌 《 科 技 與 時 代 》 評 選 為 2006 年 的 「 最 佳 創 作 新 工 程 」 。

可 承 受 2 萬 人 重 量
不 過 , 別 以 為 用 玻 璃 做 材 料 就 一 定 好 化 學 , 整 條 橋 是 由 3 吋 厚 的 強 化 玻 璃 建 成 , 橋 身 更 是 以 94 枝 樁 柱 深 入 石 灰 岩 壁 達 46 呎 深 作 支 撐 , 足 可 抵 禦 70 架 747 客 機 的 拉 力 以 及 8 級 地 震 。 雖 然 條 橋 可 以 承 受 2 萬 人 的 重 量 , 但 是 為 了 安 全 起 見 , 負 責 單 位 都 會 限 制 每 次 過 橋 的 人 數 在 120 人 以 下 。
而 為 避 免 刮 花 玻 璃 橋 面 , 所 有 參 觀 者 都 必 須 穿 上 有 獨 立 編 號 的 特 製 鞋 才 可 以 享 受 雲 中 漫 步 的 樂 趣 , 當 然 , 穿 過 的 鞋 子 也 可 以 帶 回 家 作 為 留 念 。



以 為 紐 約 帝 國 大 廈 、 台 北 101 已 經 好 高 ? 一 睇 這 個 圖 , 就 知 站 在 玻 璃 橋 上 有 幾 恐 怖 !

體 驗 Skywalk
愛 好 驚 險 刺 激 的 情 侶 , 最 快 可 以 於 07 年 下 半 年 在 遊 客 中 心 舉 行 婚 禮 。 想 體 驗 這 條 玻 璃 天 橋 , 暫 時 有 以 下 3 種 方 法 : 簡 簡 單 單 在 橋 上 兜 一 圈 (Skywalk) 影 相 。 如 果 嫌 未 夠 驚 險 ? 就 可 以 參 加 Skyride , 坐 住 懸 吊 於 橋 底 的 電 動 車 , 凌 空 置 身 大 峽 谷 之 上 , 試 做 雀 仔 的 感 受 。 至 於 天 生 畏 高 的 , 也 不 用 愁 , 因 為 可 以 參 加 Skywalk 解 構 之 旅 , 留 在 懸 崖 上 , 參 觀 支 撐 及 固 定 天 橋 的 鋼 樑 , 見 識 Skywalk 避 震 系 統 的 運 作 , 一 樣 可 以 感 受 這 條 玻 璃 天 橋 的 魅 力 。

加 建 大 型 遊 客 消 費 中 心
為 了 配 合 蜂 擁 而 來 的 旅 客 , 老 鷹 崖 附 近 將 會 另 建 一 座 佔 地 3 萬 平 方 呎 的 遊 客 中 心 。 樓 高 兩 層 , 博 物 館 、 電 影 院 、 茶 座 、 禮 品 店 、 餐 廳 酒 吧 都 有 , 到 時 遊 客 可 以 對 住 280 度 的 無 敵 峽 谷 景 來 食 飯 。 據 聞 , 就 連 會 議 室 以 及 舉 行 婚 禮 的 會 場 都 一 應 俱 全 。
係 唔 係 聽 到 都 想 即 刻 去 呢 ? 對 唔 住 , 遊 客 中 心 最 快 都 要 下 半 年 先 投 入 服 務 , 不 過 辦 定 簽 證 , 請 定 假 都 應 該 差 不 多 了 。


 


價 錢 : Skywalk US$25/HK$195 ; Skyride 須 另 收 費 ( 票 價 未 定 )
網 址 : www.grandcanyonskywalk.com

arrow
arrow
    全站熱搜

    Ng Ivy 發表在 痞客邦 留言(0) 人氣()