| 劉 美 娟 05 年 為 丈 夫 張 崇 德 誕 下 男 嬰 ， 可 惜 出 世 不 夠 一 日 便 夭 折 ， 令 他 們 大 受 打 擊 。 事 隔 兩 年 ， 張 崇 德 和 劉 美 娟 終 走 出 陰 霾 ， 劉 美 娟 更 在 年 廿 八 （ 15 日 ） 誕 下 8 磅 2 安 士 男 嬰 ， 雖 然 BB 一 度 因 呼 吸 困 難 及 肺 部 有 水 而 被 送 往 深 切 治 療 部 ， 令 二 人 擔 心 到 晚 晚 失 眠 ， 幸 經 過 醫 護 人 員 悉 心 照 料 後 ， BB 終 在 前 日 年 初 六 康 復 出 院 ， 一 家 三 口 在 新 春 佳 節 慶 團 圓 。 |
現 年 38 歲 的 劉 美 娟 和 34 歲 的 張 崇 德 在 01 年 結 婚 後 ， 於 05 年 2 月 誕 下 愛 子 天 藍 ， 豈 料 小 生 命 出 世 不 夠 一 日 便 夭 折 ， 令 夫 婦 二 人 傷 心 欲 絕 ， 劉 美 娟 更 曾 表 示 以 後 不 敢 再 生 育 。 但 隨 時 間 過 去 ， 他 們 終 走 過 陰 霾 ， 去 年 12 月 ， 張 崇 德 演 出 《 勁 歌 金 曲 》 時 ， 喜 孜 孜 地 宣 布 太 太 再 次 有 身 孕 的 喜 訊 。
爸 爸 直 擊 剖 腹 產 子
本 報 昨 日 接 獲 消 息 ， 指 劉 美 娟 已 於 日 前 順 利 誕 下 男 嬰 ， 記 者 遂 致 電 張 崇 德 ， 他 難 掩 興 奮 心 情 說 ： 「 係 呀 ！ BB 年 廿 八 上 午 9 點 幾 出 世 ， 由 於 過 立 春 ， 所 以 生 肖 屬 豬 仔 ， BB 重 8 磅 2 安 士 。 我 太 太 係 開 刀 生 ， 我 揀 日 開 刀 係 因 為 好 多 內 地 孕 婦 香 港 生 BB ， 好 難 book 日 子 ， 加 上 過 年 醫 生 放 假 ， 所 以 先 至 揀 年 廿 八 生 。 」
張 崇 德 表 示 還 未 為 BB 改 名 ， 而 他 太 太 開 刀 產 子 時 ， 他 也 在 場 為 太 太 打 氣 ， 以 及 用 攝 錄 機 拍 下 生 產 過 程 ， 他 說 ： 「 BB 一 出 就 好 大 聲 喊 （ 天 藍 出 世 時 沒 有 喊 聲 ） ， 一 刻 心 情 真 係 好 激 動 。 不 過 BB 出 世 後 ， 醫 生 話 佢 個 肺 有 水 ， 呼 吸 唔 係 咁 好 ， 所 以 即 刻 安 排 BB 入 ICU （ 深 切 治 療 部 ） ， 我 同 太 太 都 好 擔 心 ， 即 刻 諗 番 起 兩 年 前 個 仔 件 事 ， 擔 心 到 晚 晚 冇 覺 好 。 不 過 ， 醫 生 話 好 多 BB 都 有 咁 情 況 ， 叫 我 唔 使 太 過 擔 心 。 」
抱 BB 一 刻 最 感 動
張 崇 德 表 示 ， 劉 美 娟 於 年 初 二 出 院 ， BB 則 於 前 日 年 初 六 出 院 ， 他 與 太 太 獲 悉 BB 沒 有 大 礙 後 ， 不 禁 鬆 一 口 氣 ， 張 崇 德 說 ： 「 BB 出 世 之 後 ， 爺 爺 都 未 有 機 會 見 過 BB ， 所 以 噚 日 （ 前 日 ） 爺 爺 、 我 哥 哥 同 我 成 家 人 一 齊 接 佢 出 院 。 噚 日 係 我 最 開 心 一 日 ， 開 頭 我 都 幾 唔 忍 心 擺 BB ICU ， 因 為 太 太 開 刀 做 完 手 術 後 傷 口 未 埋 ， 初 初 幾 日 只 得 我 可 以 入 去 睇 BB ， 但 睇 陣 都 唔 掂 得 住 ， 所 以 噚 日 抱 住 佢 出 院 一 刻 ， 真 係 好 感 動 好 開 心 。 」
張 崇 德 與 劉 美 娟 的 愛 情 結 晶 品 胖 嘟 嘟 ， 十 分 可 愛 ， 臉 蛋 跟 母 親 有 幾 分 相 似 ， 但 張 崇 德 卻 笑 說 ： 「 BB 個 嘴 有 似 我 ， 頭 髮 就 似 媽 咪 。 」 未 知 BB 會 否 承 繼 埋 父 母 的 音 樂 細 胞 和 演 戲 天 份 ， 將 來 在 演 藝 界 大 展 拳 腳 ？
採 訪 ： 戴 彩 煥
張 崇 德 與 劉 美 娟 的 寶 貝 仔 年 廿 八 出 世 ， 一 家 三 口 開 開 心 心 過 新 年 。 相 片 提 供 ： 張 崇 德 、 劉 美 娟
劉 美 娟 因 傷 口 未 癒 合 ， 在 產 子 後 數 天 才 能 親 手 抱 抱 BB 。
娛 圈 豬 年 第 一 B
2001 年 共 諧 連 理
去 年 溫 馨 合 唱
全站熱搜
留言列表
