撰文：郭亭 採訪、攝影：袁東亮、郭亭
據知，古巨基為配合演唱會「魔幻音樂之旅」的主題，不惜向公司極力爭取舞台製作費，為有別於傳統的演唱會製作，基仔刻意把舞台設計成森林般，部份樹滕更蔓延到觀眾席，籍此凝造魔幻氣氛，故單是舞台設計已動用近二百萬搭建，基仔笑說：「哈哈！今次個舞台真係好揼本呀，因為觀眾入場已經唔係純為睇一個音樂會咁簡單，觀眾期待嘅係一個Production、要真係值回票價先得，成個騷都好似舞台劇咁有戲味，所以搭咗個森林出嚟，啲樹枝仲飛晒出舞台邊，一開場，我就會從天而降，吊住威也落嚟。」
精挑細選女主角
繼05年的《勁歌金曲演唱會》後，今次基仔今次再主動參與舞台製作，更找文念忠擔任美術總監，他說：「今次服裝設計好特別，唔似一般閃閃生輝嘅歌衫，而係充滿魔幻感覺的服飾，唔單止係我啲衫，連Dancer啲衫都唔會馬虎，件件都好有心思。」
由於今次演唱會以舞台劇為主，故加插一段愛情故事串連，屆時基仔將偕女主角大演歌舞劇，共闖魔幻世界，工作人員透露，這位女主角早已有三、四個心水人選，但基仔至今仍心大心細，未能落實找誰人擔演，他說：「今次個女主角要唱得跳得，樣靚身材好當然都好重要啦，依家真係唔透露得個名單，只可以話係圈中女藝人或名模，基仔呢近日都好積極咁練舞，為求搵啱人選就排舞。」
周慧敏免費幫手
而演唱會嘉賓方面，除了早已拍板幫手的側田外，就連玉女掌門人周慧敏（Vivian）亦主動出山幫忙，「Vivian一知道基仔開演唱會，即刻主動話要幫手，仲搵埋基仔御用唱片監製張加添幫佢將幾首舊作重新編曲，可見Vivian同基仔的感情有幾深。」知情者說。
開騷在即，難不免感到壓力，基仔坦言今次最大壓力莫過於要上台跳舞，他說：「因為自小運動唔叻，所以手腳都不太協調，但因為今次係歌舞劇形式，要邊唱邊跳，所以都好緊張，不過我已經開始排舞，希望可以畀觀眾驚喜。」
